#freezakzaky Campaign

This site is the official website of the Free Zakzaky Campaign

Hausa

Gwamnati Na Ta Fafutikar Chanza Akalar Kiran A Saki Malam Zakzaky

Ga dukkanin alamu Gwamnatin Nijeriya ba ta jin dadin yadda wannan kalmar #FreeZakzaky ke yin tasiri sosai a Zukatan Jama’a kullu yaumin. Wannan ya zama babban barazana gare ta Ron haka ala dole su ka dukufa wajen ganin an maye Gurbin sa da wasu kalmomi.
A halin da ake ciki dai akwai wasu kwararru da aka dora musu alhakin kirkiro wasu kalmomi da za iya cusa su cikin yan uwa ta yadda za a kautar da hankulan almajiran Shaikh IbraheemZakzaky (H). Majiya mai karfi wanda ke kusa da cibiyar wannan bakar aniya da makirci ke cewa-” lalle yan kwanakima su zuwa za a yi watsi da taken daaka san su da shi, za su rungumiwanda aka kirkiro mu su.”

Kamar yadda su ke bayani- duk lokacin da aka ambaci ‘FreeZakzaky ya na tuna ‘ma jama’an duniya radadin bakin ciki da tashin hankali na cewa hakika an zalunci Shaikh IbraheemZakzaky(H) da almajiran sa, kuma har yanzu ana ci gaba da zaluntar sa. Wannan babban barazana ne da cin fuska ga gwamnati. ” Dole mu canzaalkiblar wannan Fafutukar.” kamar yadda majiyar da ce. An kara da cewa- an gwada hakan a da ya ci tura, amma yanzu an fito da wata sabuwar dabara, wanda cikin sauki za su yi watsi da sahihiyar matsayin da su ke kai. ” Canbaya mun yi kokarin kautar da su da kiran gangami a Dandalin sa da zumunta ta yadda za mu rusa su amma hakan bai yi nasara ba.” Wannan Karon lalle za su yi nasara.

Abun jira dai a gani shine, ta yaya za a sa Jama’a su manta da wannan kalmar ‘FreeZakzaky ‘ alhali su na tsare da wannan Mashahurin Malamin Musulunci – Shaikh Ibraheem Zakzaky(H). Dukkanin matakan da za su kirkiro ba za mu yi kasa a gwuiwa ba wurin kara kaimi da azama wurin cewa – “FreeZakzaky” a lokaci guda daukan matakai na hankali don ganin cewa hakar mu ta cimma ruwa. Tabbas muna farke kuma a fadake da duk wani makirci da za su zo sa shi.

Kamar yadda mu ka sha fada, duk wani motsin mu, yunkuri ne na ganin Jagoran Harkar Musulunci a Nijeriya Shaikh Ibraheem Zakzaky (H) ya sami ‘Yancin sa. Da yarda Allah madaukakin Sarki, Mai Kowa Mai Komai ,Babu Gajiyawa akan wannan Fafutukar har sai Mun yi Nasara.

%d bloggers like this: